Жыл өткөн сайын балдардын китеп дүйнөсүнө болгон кызыгуусу төмөндөп кетти. Буга балдардын убактысынын көбү интернет менен уюлдук телефондорго бөлүп жатканы түрткү болууда дешет адистер. Ошол эле учурда бардык шарты бар китепканалар окурмандары жогунан кунарсыз болуп турат. 

Айрым адистер балдарды китепке кызыктыруу үчүн үйдө ата-энелер өздөрү да китепке жакын болушу керек дешет. Болбосо баланы китеп оку деп, өзү футбол көрүп отурган атанын сөзү балага өтөөрү күмөн. Ушундай эле абал мектепте. Балдарга жагымдуу жомок окуп берүүнүн ордуна уюлдук телефонун эс алдырбай чукулай берген мугалимдин китеп окугула деп айтканы эч бир окуучуга сиңбейт.