31-декабрдан 1-январга караган түнү Стамбулдагы эс алуу жайында бир нече адамдын өмүрүн алган окуянын күнөөкөрү изделип жатат. 39 адамдын өмүрүн алып, 69 кишини жарадар кылган кол салууга шектүүнү кармоо боюнча атайын операция уланууда. 

Каза тапкандардын 24ү чет элдик жарандар. Жаракат алгандардын ичинен төртөөнүн абалы оор. Орусиялык ТАСС агенттиги Стамбулдагы орус консулдугундагы булакка таянуу менен маркумдардын бири орусиялык айым экенин жазып чыкты. 

Курмандыктардын арасында Сауд Арабиясынын, иордания, ирак, ливан, тунис, ливия, израил, жана башка мамлекеттин өкүлдөрү бар экендиги айтылууда.

Эске салсак, 1-январга караган түнү Стамбулдагы Reina түнкү клубуна кол салган адам алгач кире бериштеги полиция кызматкерин өлтүрүп, андан соң ал жерде жаңы жылды тосуп жаткандарга ок жаадырган. 

Окуя учурунда клубда 700гө жакын адам болгон. Кыргызстандын Стамбулдагы консулдугу каза болгон жана жабыркагандар арасында кыргыз жарандары жок экенин маалымдады.