Ош шаарында кыргыз күрөш боюнча Эл аралык турнир башталды. Ош шаардык мэриясынын басма сөз кызматы билдиргендей, мелдешке Кыргызстандын жети дубанынан, Бишкек, Ош шаарларынан жана Өзбекстандан жалпы 150 спортчу катышып жатат.

Иш-чараны Ош шаардык дене тарбия жана спорт комитети, Ош шаарынын жана облусунун кыргыз күрөш федерациясы уюштурган. Мелдештин жеңүүчүлөрү уюштуруучулар тарабынан баалуу белектер, акчалай сыйлыктар менен сыйланат.