Алмаз Мамбетов Ош шаарынын мэри болуп шайланды. Анын талапкерлигин Шаардык кеңештин 43 депутаты колдогон. Эки депутат каршы добуш берген. 

Алмаз Мамбетов Ош шаарынын мэринин милдетин аткаруучу болуп 2-августта дайындалган. Ал 2016-2019-жылдары Балыкчы шаарынын мэри болуп иштеген. Андан кийин 2019-2020-жылдары Мамлекеттик каттоо кызматынын төрагасы, 2020-2021-жылы Президенттин иш башкармалыгынын төрагасы кызматын аркалаган. Кошумчалай кетсек Мамбетов мэрлик кызматка жалгыз талапкер болду.