Кыргызстандын хоккей боюнча курама командасы, Японияда өтүп жаткан кышкы Азия оюндарында күмүш медалга ээ болушту. 

Мекендештерибиз финалда Түркмөнстан менен беттешип, 7:3 эсебинде утулуп калган. Буга чейин кыргыз курамасы Катар, Филиппин жана Кувейт командалары менен беттешкен. Кыргызстандыктар алгач кувейттиктерди 5:0 эсебинде жеңип алган. 

Экинчи оюнда филиппиндиктер менен беттешип, 10:5 эсебинде жеңишке жеткен. Ал эми финалга чыгаар алдында биздин команда Катардын хоккеисттери менен муз аянтына чыгып, аларды 7:2 эсебинде жеңип алган болчу.