Нарын облусунун Жумгал жана Ат‑Башы райондук электр тармактар ишканаларына эки‑кабаттуу жаңы кеңсе имараттары салынууда. Энергетика министри Таалайбек Ибраев облустагы жумушчу сапарынын алкагында курулуштардын жүрүшү менен таанышып, тиешелүү тапшырмаларды берди.

Жумгал райондук электр тармактар ишканасынын кошумча кеңсеси май айында башталып, эки кабаттуу имарат күз айларында пайдаланууга берилет. Анын сметалык баасы – 21 миллион сом.

Ат‑Башы райондук электр тармактар ишканасы үчүн салынып жаткан имарат дагы эки кабаттуу болуп, 25 миллион 326 миң сомго бааланган. Министрлик мындай заманбап, бардык шарттар менен жабдылган кеңселер бийик тоолуу райондордо энергетиктердин ишин жеңилдетип, кардарларга сапаттуу тейлөө камсыздөөгө өбөлгө түзөрүн белгиледи.

Мындан тышкары, быйыл Нарын облусунда энергетика тармагында бардыгы сегиз объект курулмакчы. Алардын ичинен Нарын шаарынын электр тармактар ишканасына апрель айында башталган үч кабаттуу имараттын курулушу да уланууда; анын сметалык наркы – 55 миллион 200 миң сом. Бардык имараттар “Кыргызстан улуттук электр тармактар” ишканасынын өздүк каражатынын эсебинен финансыланууда.