Министрлер кабинетинин төрагасынын орун басары –УКМК төрагасы генерал-полковник Камчыбек Ташиевдин көрсөтмөсүн аткаруу максатында быйылкы жылдын 11-июнунан тарта Улуттук коопсуздук органдары тарабынан "Нелегал-2025" атайын операциясы башталган.

Өлкө Президентинин 2025-жылдын 22-майындагы № 164 Жарлыгы менен укуктук статусун мыйзамдаштыруу боюнча жеңилдетилген мөөнөт каралбаганына карабастан, миграциялык мыйзамдарды бузуу менен өзүнүн укуктук абалын легалдаштыруу боюнча жүргөн мыйзамсыз чет өлкөлүк жарандар аныкталган.

 Тартип бузгандар тиешелүү фильтрациялоочу жайга жеткирилип, ИИМдин Экстремизмге жана мыйзамсыз миграцияга каршы күрөшүү кызматынын кызматкерлерине өткөрүлүп берилди.

 Улуттук коопсуздук боюнча мамлекеттик комитети иш берүүчүлөрдү жана чакырган тараптарды мыйзам бузган чет элдиктерди өлкөдөн өз ыктыяры менен чыгып кетүүгө багытталган чараларды көрүүгө чакырат.