Бүгүн, 27-майда  саат 11:48де Жалал-абад шаарындагы А.Новои көчөсүндө жайгашкан жеке менчик бала  бакчадан өрт чыккандыгы тууралуу ыкчам нөөмөт бөлүмүнө маалымат түшкөн.

Өрткө ыкчам аракет көрүлүп, саат 11:49да Жалал-Абад  шаардык №20 өрткө каршы бөлүмдөн эки күжүрмөн эсеп тартылып, өрттү өчүрүү  иштери башталган.

Куткаруучулар тарабынан бала бакчадагы 33 наристе жана 3  тарбиячы коопсуз аймакка эвакуацияланып, имарат ичиндеги газ баллондор сыртка  чыгарылган. Өрт ашкана бөлүмүнөн чыккандыгы кабарланды. Жалпы өрт каптаган аянт  — 120 чарчы метрди түздү.

Жабыркагандар жок. Учурда өрттүн чыгуу себеби тиешелүү  кызматтар тарабынан такталууда.