3-мартта Бишкек шаардык мэриясынын Дене тарбия жана спорт, туризм жана жаштар иштери боюнча башкармалыгынын башчысы Жоомарт Шамканов машыктыруучулардын минималдуу жана эң жогорку айлык акысын жарыялады.

Буга чейин Бишкек шаардык кеңешинин депутаты Элнура Дүйшекеева (КСДП) шаарда 450 спорттук машыктыруучу бар экенин айтып, машыктыруучулардын минималдуу жана эң жогорку айлык акысын айтып беришин суранган.

«Ишке жаңыдан киришкен болсоңуз, анда айлык 7000 сомдон башталат. Ошол эле учурда адамдын билимине каралып, ошого жараша өсө баштайт.

Эгерде анын окуучусу келечекте Кыргызстандын биринчи командасына кирсе, анда ар бир палатага Спорттун олимпиадалык түрлөрү боюнча дирекциядан 20% кошулат.

Мындан тышкары, эгер бала спорт мектебине жиберилип, окуп жаткан болсо 10% кошулат. Ошентип эмгек акы көтөрүлөт. Эң жогорку айлык - 50-60 миң сомго чейин алган машыктыруучулар бар», - деди Шамканов.