Кыргызстан менен Россиянын эриш-аркак жылынын жабылыш аземи күз айларында өтүшү мүмкүн. Ага даярдыкты Кыргызстандын Россиядагы элчиси Гүлнара-Клара Самат Россиянын президентинин Эл аралык маданий кызматташуу боюнча атайын өкүлү Михаил Швыдкой менен талкуулады. 

Элчиликтин басма сөз кызматы билдиргендей, тараптар Кыргызстан менен Россиянын президенттери Садыр Жапаров жана Владимир Путиндин ортосундагы эки өлкөнүн ортосундагы эриш-аркак жылынын алкагында пландаштырылган 200гө жакын иш-чараларды ишке ашыруу жөнүндө келишимдерди жүзөгө ашырууну талкуулашты. 

Ошондой эле Россиянын алдыңкы жамааттарынын республиканын аймактарына концерттик турларын уюштуруу маселеси талкууланды. Эки өлкөнүн эриш-аркак жылынын жабылыш аземи Россиянын чыгармачыл жамааттарынын, көркөм өнөрдүн көрүнүктүү өкүлдөрүнүн катышуусунда 2021-жылдын күз айларына пландаштырылган.