Жакын арада республика боюнча «open space» форматында бир нече жаңы Калкты тейлөө борборлору ачылат. Бул туурасында Премьер-министр Улукбек Марипов Юстиция министрлигинин Мамлекеттик каттоо кызматынын калкты тейлөө борборлорунун ишин жакшыртуу жана санын көбөйтүү боюнча кеңешмеде билдирди. 

1-апрелге чейин Ысык-Көл облусунун Ак-Суу районундагы Теплоключенка айылында, Нарын облусунун Ат-Башы айылында, 10-апрелге чейин Бишкек шаарында эки, Баткен облусунун Лейлек районундагы Исфана шаарында, 1-майга чейин Ош облусунун Ноокат районундагы Зулпуев айылдык округунда, Кара-Суу шаарында, 1-июнга чейин Баткен облусунун Кадамжай шаарында, 1-июлга чейин Ош облусунун Араван районунун борборунда калкты тейлөө борбору ачылат. Ушул тапта Кыргызстанда 26 калкты тейлөө борбору иштеп жатат.