Ипотекалык насыяга үй алган айрым жарандар нааразычылык билдирип, Мамлекеттик ипотекалык компаниянын имаратынын алдына барышты. 

Айтымдарында компания жаңыдан иштеп баштаган мезгилде үстөк пайызы 14 пайыз болсо кийинки жылдары азайтылып, 6-7 пайызга түшкөн. Эми алар төмөндөтүлгөн пайыз менен насыя төлөө талабын коюшууда.

Ал эми Мамлекеттик ипотекалык компания өкүлдөрү бул боюнча ушул тапта сүйлөшүүлөр болуп жатканын билдирди. 2020-жылдын 1-майынан баштап өкмөттүн турак жай программасынын алкагында берилген ипотекалык насыялардын пайыздык чендери бир пайызга төмөндөгөн.

“Биз билебиз бул тууралуу биз сүйлөшүүлөрдү жүргүзүп жатабыз. Бизге бул маселе боюнча сунуштама келген. А эгер буйрук келсе анда түшүрмөкбүз”,- деди Мамлекеттик ипотекалык компаниянын жетекчисинин орун басары Гүланда Нурмолдоева.