Бишкектеги Калкты тейлөө борборлорунда кыймылсыз мүлк жана жер маселеси боюнча кызмат көрсөтүлө баштады. Жер ресурстары боюнча мамлекеттик агенттиктин кызмат көрсөтүүлөрү 1-февралдан 28-февралга чейин сыноо иретинде Бишкек шаарында жүргүзүлөт. 

Эгер ал ийгиликтүү ишке ашса, анда республиканын бардык аймактарындагы калкты тейлөө борборлорунда жанданат. Долбоор президенттин 2020-жылдын 17-декабрындагы "өлкөнү мамлекеттик башкаруусуна санариптик технологияларды ишке киргизүүнү активдештирүү боюнча кечиктирилгис чаралар жөнүндө" жарлыгынын алкагында, мамлекеттик кызмат көрсөтүүлөрүнүн тизмегин кеңейтүү максаттарында ишке ашырылууда.