Автомобилдик номерди сактоо мөөнөтү 1 жыл. Мамлекеттик каттоо кызматынан билдиргендей өкмөттүн 7-декабрдагы унаа каражаттарын каттоо боюнча токтомуна өзгөртүүлөр киргизилди. 

Ошондо күбөлүгү бар өзгөчө сандар комбинациясы менен болгон мамлекеттик номер белгилеринин сактоо мөөнөтү аныкталды. Эми мамлекеттик унаа номери "Унаа" мамлекеттик мекемесине тапшырылгандан кийин 1 жыл сакталат. 

“Эгерде күбөлүгү бар унаа номердин ээси 1 жылдын ичинде унаага каттоо үчүн кайрылбаса, анда ал жок кылынат. Жаңы үлгүдөгү мамлекеттик номурду күбөлүктү көрсөткөндөн кийин калыбына келтирүүгө болот. Ал эми эски үлгүдөгү мамлекеттик номерлерди калыбына келтирүү мүмкүн эмес”, - деп айтылат маалыматта.