Коррупцияга каршы аракеттенүү боюнча координациялык кеңешменин жыйыны өтүүдө. Анда Коопсуздук кеңешинин катчысы Рыскелди Мусаев коррупция менен жергиликтүү деңгээлде күрөшүү керек экендигин айтты.
Белгилегендей, коррупцияны жоюу укук коргоо органдарынын гана милдети эмес, ар бир мамлекеттик органдын жана ар бир жарандын милдети.
"Акыркы күндөрү коррупция менен күрөшүү адамдын кызматына карабастан катуу жүрүүдө. Жемкорлук менен жергиликтүү деңгээлде күрөшүү керек. Ага ар бир райондук милиция кызматкери жана жергиликтүү өз алдынча башкаруу органдарынын кызматкери жардам бериши керек. Алардын аракетсиздигинен улам бизде көптөгөн даттануулар болууда. Бүгүнкү жолугушуу өз убагында болуп жатат деп ойлойм. Эгерде ар бир башкармалыктын жетекчиси өз ишин татыктуу жана мыйзамдын чегинде аткарса, анда жемкорлук менен күрөштө натыйжа болот", - деди Мусаев.