Бишкекте чет элдик жарандан акча талап кылган шектүүлөр кармалды. Бул тууралуу ИИМдин маалымат кызматы билдирди.Министрликтин маалыматы боюнча, 3-февралда Ички тергөө кызматына Түштүк Кореянын жараны кайрылып, өздөрүн милициянын кызматкери деп тааныштырган адамдар андан 8 миң доллар талап кылганын билдирген.
Бул факт Кылмыштар жана жоруктардын бирдиктүү реестрине катталды. Жүргүзүлгөн ыкчам иликтөө иштеринин жыйынтыгында, 7-февралда 2 миң доллар алып жаткан жеринен 2 жаран кармалды. Кармалгандардын өздүгү такталды, экөө тең борбор калаанын тургундары экени аныкталган. Шектүүлөр убактылуу кармоочу жайга киргизилди. Учурда алардын баш коргоо чарасын аныктоо иштери жүрүп жатат.
Google Play
App Store