Коопсуздук кеңештин отурумунун жыйынтыгы менен мамлекеттик органдардын 30 ашык кызматкерине кызматтан бошотуу, сөгүш жана катуу сөгүш өңдүү тартип жазалары көрүлөт. Президент Сооронбай Жээнбеков Коопсуздук кеңешинин 24-январдагы жыйынынын жыйынтыгы боюнча чечимге кол койду. 

Документте сот, көзөмөл жана укук коргоо органдарындагы коррупция менен күрөшүү жана өлкөнү санариптештирүү жетишсиз деңгээлде ишке ашкан, ал эми тоо-кен казуу тармагындагы көйгөйлөрдү чечүү боюнча Коопсуздук кеңештин чечими канааттандыраарлык эмес деп табылды. Чечимдеги маанилүү жагдай - катчылыкка 2024-жылга чейин коррупцияга каршы саясаттын мамлекеттик стратегиясынын долбоорун иштеп чыгуу сунушу берилди.