Бишкек шаардык соту Улуттук коопсуздук боюнча мамлекеттик комитеттин имаратында мурдагы президент Алмазбек Атамбаевди үй камагына чыгаруу боюнча адвокаттардын апелляциялык арызын карады. 

Шаардык сот Биринчи май райондук сотунун Атамбаевди 26-октябрга чейин камакта калтырган чечимин күчүндө калтырды. Ушул эле күнү Атамбаевдин кармалышынын мыйзамдуулугу боюнча арызы каралып, сот аны да канааттандырган жок. 20-августта Бишкектин Биринчи май райондук соту мурдагы президент Алмазбек Атамбаевдин кармалышын мыйзамдуу деп тапкан. 

Ошол эле күнү ошол эле сотто Алмазбек Атамбаевди 26-октябрга чейин камакка алуу жөнүндө чечим чыккан. Атамбаев 8-августта Ички иштер министрлигинин атайын операциясынан соң кармалып, УКМКнын тергөө абагына камалган. Башкы прокуратура ага бир катар оор жана өзгөчө оор кылмыштар боюнча шек саналып жатканын билдирген.