Кыргыз элинин залкар инсандарынын бири, агартуучу Кусейин Карасаевдин 115 жылдыгына карата илимий практикалык конференция уюшулду. 

Иш-чара Махмуд Кашгари-Барскани атындагы Чыгыш университетинде өтүп, ага профессор, окумуштуулар, чет өлкөлүк өкүлдөр жана студенттер катышты. 

Кусейин Карасаев кыргыз совет тилчиси, улуттук туңгуч лексикограф жана лексиколог болгон. 

Анын жасаган эмгеги бааланып филология илимдеринин кандидаты, профессор, Кыргыз Республикасынын илимине эмгек сиңирген ишмери жана башка көптөгөн сыйлыктарга татыган.