Массалык малымат каражаттары тууралуу мыйзамга 1992-жылдан бери толуктоо кирген эмес. Талдоочулар ааламдашуу маалында өзгөртүлүп толукталбаганын мыйзам натыйжалуулугун жоготту деп эсептейт.  Бугун парламенттик угууда “Массалык маалымат каражаттары” тууралуу мыйзамга кирип жаткан өзгөртүүлөр талкууга алынды. Ага депутаттар журналисттер, жарандык коомдун жана эл аралык уюмдардын өкүлдөрү катышты.  

 POST1RIGHT Өзгөртүлгөн долбоордо нааразычылык жараткан радио тармагы алынып телевидение жөнүндө гана ченем калтырылды. Ошондо түзөтүүлөр телеканалдарды гана камтымак болду. Тактап айтканда чет өлкөнүн жарандары телеканал аччу болсо анын 35 пайыздык үлүшүнө гана ээлик кыла алат. Калган 65 пайызы Кыргызстандын жарандарында болууга тийиш. 20 пайыздык инвестициялык чектөө да таптакыр алынып салынды. Бирок медиа айдыңындагы айрым талдоочулар бул толуктоолорго деле каршы болду.
Мыйзам долбоорунун демилгечилеринин бири депутат Кожобек Рыспаевдин айтымында камтылып жаткан толуктоолордун башкы максаты маалымат коопсуздугун камсыздоо. Анын үстүнө документ эл аралык тажрыйбаны эске алуу менен даярдалды.
Мыйзамга кирип жаткан өзгөртүүлөр эч кандай чочулоону жаратпайт деген КТРКнын башкы директору бул аракет маалымат коопсуздугун камсыздоонун бир кадамы- деди. Анын айтымында маалыматка болгон муктаждыкты эбак эле интернет ээлеген. Ошол эле учурда коомдук каналдын жетекчиси ММК тууралуу мыйзам 24 жылдан бери бир да жолу өзгөртүлүп толукталбаганын белгиледи.
Мыйзам күчүнө кирсе тиешелүү министрлик чет элдик телеканалдардын маани-мазмунун тескөөгө алат. Айнура Темирбекованын айтымында өлкө толугу менен санарипке өтсө азыркы 13 каналга кошумча дагы жүздөн ашык канал көрсөтүлөт.
Ошентип парламенттик угууда толукталып жаткан мыйзамга карата каршы да оң да пикирлер угулду. Мыйзам долбоору эми экинчи окууда палатанын талкуусуна сунушталат.