Добуш берүү учурунда автоматтык урналар иштебей калган учурлар катталууда. Бирок катталган мүчүлүштүктөр дароо жеринде чечилип жатканын Мамлекеттик каттоо кызматынын төрагасы Тайырбек Сарпашев тастыктады. Айтымында айрым аймактарда бир нече автоматтык урналар алмаштырылган. 

Жалпысынан шайлоого 2 миллион 350 миң жаран катышууга укуктуу. Ал эми негизги мыйзамга өзгөртүү боюнча 2 миллион 825 миң адам добуш бере алат. Бул тууралуу билдирген Мамлекеттик каттоо кызматынын төрагасы Тайырбек Сарпашев, шайлоодо айрым жерлерде мезгил-мезгили менен чек чыкпай калган же камералар менен серверлер иштебей калган учурлар орун алып жатканын  билдирди. Айтымында бардык мүчүлүштүктөр тиешелүү адистер тарабынан өз убагында жоюлууда. Жалпысынан 30миң техника иштеп жатат.

Шайлоо комиссияларына көмөк көрсөтүү боюнча түзүлгөн республикалык штаб тарабынан «119» номери боюнча түз байланыш иштөөдө. 

Мээрим Абдраманова, "Биринчи радио"