Кыргызстандан Түркиядагы жер титирөөнүн кесепетин жоюуга жардам көрсөтүү үчүн дагы 100 куткаруучу барат. Мамлекет башчынын тапшырмасы менен 100 боз үй, 20 жылууланган аскер чатыры жана мобилдүү ооруканага ылайыкталган 1 чатыр жөнөтүлөт. 

Мындан сырткары, гуманитардык учак менен тиешелүү медициналык буюмдар, кийим-кече жана биринчи керектөөдөгү каражаттар жеткирилет. Ал эми зилзала болгон аймактардан Кыргызстандын жарандары эвакуацияланууда.