Кыргызстандан айыл чарба товарларынын айрым түрлөрүн, анын ичинде буудай унун экспорттоого министрлер кабинети убактылуу тыюу салды. 

Аталган чечим өлкөнүн азык-түлүк коопсуздугун камсыз кылуу жана товарларга рыноктук бааларды турукташтыруу максатында кабыл алынды. 

Токтомго ылайык, Кыргызстандан айыл чарба товарларынын айрым түрлөрүн Евразия экономикалык бирлигинин бажы аймагынан тышкары ташып чыгууга тыюу салынат.

1-ноябрдан тартып, 31-декабрга чейин Кыргызстан аймагынан тышкары ЕАЭБге мүчө эмес мамлекеттерге буудай унун ташып чыгууга чектөө киргизилет. 

Буудай унуна карата экспорттук квоталардын көлөмдөрүн бажы жол-жобосуна ылайык, тышкы соода ишинин катышуучуларынын ортосунда бөлүштүрүүнүн эрежелери тиркемеге ылайык бекитилди.

Токтом расмий жарыяланган күндөн жети күн өткөндөн кийин күчүнө кирет.