Өлкөдө акыркы бир суткада коронавирус дагы 97 адамдан аныкталды. Бул тууралуу Саламаттык сактоо министрлиги билдирди. 

Маалыматка ылайык, анын ичинде Бишкек шаарында – 53, Ош шаары, Ош облусу жана Нарын облусунда бирден, Чүй облусунда – 23, Талас жана Баткен облустарында үчтөн, Ысык-Көл облусунда – 7, Жалал-Абад облусунда – 5 адамдан илдет табылган. Акыркы суткада 282 бейтап илдеттен сакайып чыгып, тилекке каршы ооруну жеңе албай төрт бейтап каза болду. 

Бүгүнкү күндө стационарларда коронавирустан 684 бейтап, амбулатордук түрдө 2 миң 883 адам дарыланууда. Белгилей кетсек, Кыргызстанда пандемия башталгандан бери 199 миң 717 адам коронавирус жуктурган. Алардын ичинен 191 миң 679 киши айыгып чыкса, 2 миң 913 адам каза болду.