Президент Садыр Жапаров Швейцария, Монголия, Азербайжандын Кыргызстандагы атайын жана ыйгарым укуктуу элчилеринен ишеним грамоталарды кабыл алды. 

Ар бир дипломат менен эки тараптуу жолугушкан өлкө башчысы кызматташтыкты арттырууну, саясий, соода-экономикалык, маданий-гуманитардык алаканы бекемдөөнү, инвестициялык кызматташтыкты чыңдоону талкуулады. Мамлекет башчысы Кыргызстандын ынак коңшулаштык, достук жана кызматташтыкты өнүктүрүүгө кызыкдар экенин белгилеп, элчилердин маанилүү, жооптуу дипломатиялык кызматына ийгиликтерди каалады.