Район боюнча 37 миң 700 адам вакцина ала тургандардын тизмесине киргизилген. Ал эми вакцина алуу өнөктүгү үчүн 22 эмканада атайын пункттар уюштурулган. Кошумча 2 мобилдик топ иштеп жатат. 

Өткөн аптада Талас облусуна 80 миң доза вакцина келген. Анын 11 миң даанасы Талас районуна бөлүнгөн. Учурда 4 миң 268 адам эмделди. Мобилдик топтор бир гана айыл ичинде үймө үй кыдырбастан, Суусамыр, Түз-Ашуу жайлоолорундагы эс алуучуларга, малчыларга чейин барып жатышат. Муну менен катар эмдөөдөн өтүүнүн жол жобосун, пайдасын түшүндүрүү иштери да жүрүүдө.