2017-жылдын январь айынан тарта Казакстан интернетке болгон бааны мурдагы калыбына келтиргенин "Кыргызтелеком" ишканасы билдирет. 

Август айынын башында Кыргызстандын интернет-провайдерлери казак өнөктөштөрдөн транзиттик баа 3-4 эсеге кымбаттай турганын угушкан. POST1RIGHT

Ноябрь айынын башында Байланыш операторлору ассоциациясынын жетекчиси Нурбек Абасканов казакстандык операторлор Кыргызстандын интернет провайдерлери менен секундасына бир мегабит интернет үчүн 15 доллар төлөй турган тарифтик келишимге кол койгонун билдирген. 

Бул макулдашуу январдан тарта күчүнө кирмек. "2017-жылдын январынан тарта "Кыргызтелеком" ишканасынын кардарлары абоненттик төлөмү баштагыдай сапаттуу интернетти колдоно алышат. 

Ошентип мекеме премьер-министрдин мурдагы тарифтерге кайтуу боюнча берген тапшырмасын аткарды", - дейт Абасканов.