POST1RIGHTБул көйгөйдөн тажап “Ала-Тоо 24” каналына телефон аркылуу жардам сурап кайрылган жарандардын да саны көбөйдү.

Биздин чыгармачыл топ борбор калаадагы айрым бейтапканаларга барып абалды тасмага түшүрдү. 

Ошол эле учурда бейтапкана жетекчилери бул маселени чечүүнүн үстүндө экенине күбө болду. Бишкектеги Улуттук кардиология жана терапия борборунун бейтапканасы. Мында күндө болбосо да күн алыс таң атпай эле узун кезектер болот. Бири анализ тапшырса, экинчиси дарыгерге көрүнүүгө келген, дагы бири каттоого ала турган жайда кезегин күтүп турат.

Бейтаптардын арасында алыскы айылдардан келгендери көп. Көбү улам бир кезек күтүп тажагандарын айтат. Кезерип күткөнүнө карабай кезеги жакындабай эки-үч күндөн бери кезекке тургандарды да кездештирүүгө болот.

Лабораторияларга атайын жабдууларды алгандан бери таң атпай анализ тапшырууга болгон узун кезекти жоюу бир аз тартипке келип, жагдай жакшырды. Жабдуулардын жардамы менен бейтаптар ылдамыраак тейлене баштады.