Милиция кызматкерлери 29-декабрдан 1-январга чейин күнү -түнү күчөтүлгөн тартипте иш алып барышат. Бул тууралуу ИИМдин маалымат кызматы билдирди. 

Өлкө боюнча жалпысынан 9 миңден ашык тартип сакчылары тартылган. 

Алар ар кандай оюн-зооктор уюштурулган коомдук жайларга барып, жарандарга түшүндүрүү иштерин жүргүзүп, алардын коопсуздугун көзөмөлдөшмөкчү. 

Ошондой эле милициянын ыкчам иликтөө тобу, элдик кошуундар дагы тургундардын ден соолугун, коопсуздуктарын карашат.