Террорчулук менен күрөшүү, коррупцияга бөгөт коюу жана өлкөнүн коопсуздугун камсыздоодо Кыргызстандын Улуттук мамлекеттик коопсуздук комитети татыктуу аткарууда. Бүгүн өлкөнүн чекисттери кесиптик майрамын белгилеп жатат. Коопсуздук кызматкерлеринин ата мекен алдында өтөгөн кызматы мактоого татыйт. 

 УКМКнын башкы милдеттеринин бири өлкөнүн улуттук кызыкчылыктарын сактоо жана саясий туруктуулукту камсыз кылуу. Бул вазыйпасын мекеме илгиртпей аткарып келет. Бул күнү УКМК кызматкерлерин кесиптик майрамы менен президент Алмазбек Атамбаев куттуктады.
POST1RIGHT Учурда коопсуздук комитетинин органдары контртеррористтик жана ыкчам-тергөө иш чараларын алып барууда. Соңку жылдары чекисттер бир топ терактылардын алдын алып, эл аралык террорчулук уюмдардын жолдорун бууду. Ага катарлаш Сирияда даярдыктан өтүп, Кыргызстанда кандуу калаба уюштурууну көздөгөн эл аралык террорчулук уюмдардын мүчөлөрүн да кылтакка илди.
 УКМК коррупция менен күрөшүүдө да натыйжага жетишти. Акыркы жылдары комитеттин коррупцияга каршы күрөшүү кызматы аткаминерлер менен саясатчылар аралашкан жемкорлук схемаларынын бетин ачты. Бул көрүнүшкө каршы күрөш тыным албай жүрүүдө. Токон Мамытов жемкорлукка каршы күрөшүү кызматын түзүү учур талабы болгон дейт. Себеби мамлекеттик башкаруу системасындагы коррупциялык көрүнүштөр өлкөнүн өнүгүшүнө тоскоолдугун тийгизген.
 Серепчилер да коррупцияга каршы күрөшүү кызматы багыттуу жана натыйжалуу иш алып барып жатат деген баасын берүүдө. Мекеме бийликтеги саясий жана системалык коррупцияга бөгөт коюп, коомчулуктун бүйүрүн кызыткан каржылык кылмыштардын бетин ачты. Буга эл аралык индекстеги өлкөнүн позициясынын жакшырганы далил боло алат.
Улуттук коопсуздук комитетинин кызматкерлеринин алдында бир топ милдеттер турат. Өлкөнүн коопсуздугун камсыздап, улуттук кызыкчылыктарды сактоо. Себеби өлкөнүн саясий жана экономикалык коопсуздугу ушул иштердин кандай аткарылганына көз каранды.