Бүгүн Кыргызстандын Россиядагы элчилигинде кыргыз товарларынын көргөзмөсү өтөт. Бул тууралуу элчиликтен билдиришти. 

Көргөзмөгө эт азыктары, кургатылган мөмө-жемиштер жана консерваланган азыктар коюлат. 

Мындай чоң көргөзмө алгачкы жолу өтөт. Иш-чара кыргыз товарларын Евразиялык экономикалык биримдиктин алкагына жайылтуу максатында уюштурулуп жатат. Ага ЕЭАБдин өкүлдөрү жана башка консулдуктар дагы катышат, - деп айтылат маалыматта.

 Иш-чараны Кыргызстандын Россиядагы элчилиги менен кыргыз ишканаларынын ал жактагы өкүлчүлүктөрү уюштурууда.