УКМК Талас шаарында “Шүкүн” каймана аты менен белгилүү болгон уюшкан кылмыштуу топтун мүчөсү кармалганын билдирди.

УКМК тараткан маалыматка караганда, уюшкан кылмыштуулукту жоюу боюнча жүргүзүлүп жаткан иш-чаралардын алкагында Талас облусунун тургуну, мурда бир нече жолу оор кылмыштар  менен соттолгон “Т.Ш.Т.” аттуу жаран криминалдык идеяны колдоп, жайылтуу максатын көздөп, ошол эле учурда баңгизат колдонуп жүргөндүгү тууралуу ыкчам маалымат алынган. 

Ыкчам маалыматка ылайык, аталган жаран А.Батукаев, К.Асанбек,  А.Бокушов жана Ч.Джумагуловдор менен жазаларды аткаруу кызмат мекемелеринде бирге жаза өтөгөндүгү жана алар менен байланыштыгы бардыгы такталган. Криминалдык чөйрөдө каймана аты “Шүкүн” деп аталып, маркум К.Асанбектин уюшкан кылмыштуу тобунда турган.

Азыркы учурда, “Т.Ш.Т.” убактылуу кармоочуу жайына киргизилип, медициналык каароонун жыйынтыгында наркотикалык заттарды колдонгондугу аныкталды.