Кыргызстандын Эгемендүүлүгүнүн 34 жылдыгы “AS NOMAD" этно комплексинде салтанаттуу белгиленүүдө.

Салтанатта алгач маданият ишмерлери кыргыз мамлекеттүүлүгүнүн кайра жаралуусун чагылдырган көрүнүш тартуулап, облустагы жетишкендиктер тууралуу маалымат берилди. 

Анда кыргыздын Абдыкерим Сыдыков, Жусуп Абдыракманов, Абдыкадыр Орозбеков, Ишеналы Арабаев, Касым Тыныстанов, Төрөкул Айтматов сыяктуу чыгаан уулдары баштаган уулдарынын аракети менен Кара кыргыз автономиялуу облусунун түптөлүшү, 100 жыл аралыгында өлкөнүн мамлекет болуп калыптануудагы басып өткөн жолу чагылдырылган. Ошондой эле алардн эмгеги бүгүнкү мамлекеттүүлүктүн түбөлүк урабас сепили экенин баса белгиленип, кыргыз элинин бүгүнкү жаркыраган күнү үчүн репрессиянын курмандыктары болушканы эскерилди.

Майрамдык салтанатта облустук, райондук жана шаардык бийлик өкүлдөрү жалпы теңиртоолуктарды эгемен майрамы менен куттуктап, кыргыз эли 3000 жылдан ашуун тарыхы бар дүйнөдөгү эң байыркы элдердин катарына кирерин айтып, кылым карыткан элдин тарыхына токтолуп, акыркы жылдары өлкө өнүгүү жолуна кадам койгонун баса белгилешти. 

Ошондой эл иш-чара бир нече оюн-зоок программасы жана улуттук буюмдардын, тамак-аштардын көргөзмөсү менен коштолуп, шаардагы чөлкөмдөр арасында түзүлгөн 12 команда ортосунда кичи футбол мелдеши өттү.