Нарын районундагы «Азия Фуд Экспорт» деп аталган тооктун этин кайра иштетүүчү ишканасынын курулушу аяктады.

Эгемендүүлүктүн 34 жылдыгына карата өндүрүш ишканасы пайдаланууга берилди. Анын расмий ачылышына бүгүн өлкө башчы Садыр Жапаров аралыктан катышып, кызыл тасмасы кесилди.

Жеке инвесторлор тарабынан салынган ири ишканада заманбап жабдыктар жайгаштырылып, эки имараты курулуп бүттү.

Ишкана айына миң тонна тоок этин кайра иштетип, продукция Кытайга экспорттолот.

Өндүрүштүн ишке берилиши менен жергиликтүү калкка иш орунду түзүлмөкчү.

Аталган ишкана үчүн Нарын районунун Кара-Бүк участогунан 3 гектар жер аянты беш жылдык мөөнөткө ижарага берилип жер тилкеси трансформацияланган.   

Бүгүнкү күндө ири заводдо электр жарыгы тартылып, бардык шарттар түзүлгөн.