Нарындын Ак-Тал айылындагы А.Турдакунов атындагы жаңы мектептин курулушу толук аяктады. 

Мектеп бүгүн, 29-августта Эгемендүүлүктүн 34 жылдыгына карата ачылып, пайдаланууга берилди. Ага президент Садыр Жапаров онлайн форматта катышып, кызыл тасмасы кесилди.

150 орундуу билим уянын курулушу 2022-жылы республикалык бюджеттин эсебинен башталган.

Жаңы мектеп эки кабаттуу окуу корпусу, өтмө галерея, ашкана жана спорт залынан туруп, окуучулар үчүн ыңгайлуу шарттар түзүлгөн.