Нарындын Ак-Талаа районундагы Ала-Буга айылында сафлор майын чыпкалоочу муниципалдык цех ишке берилгени турат.

Эгемендүүлүктүн 34 жылдыгына карата колдонууга бериле турган аталган цехтин ачылышына өлкө башчы Садыр Жапаров аралыктан катышат. 
Бул цехте бир тонна сафлордон 400 литрге чейин май өндүрсө болот. Ага жергиликтүү бюджеттен 1 млн 262 миң сомго жабдык алынган. 

Акталаалык дыйкандар эки жылдан бери сафлор өстүрүүнү колго алып, 120 гектардай жерге эгип келишет. Эми сафлор талаалары дагы кеңейтилет.