Эсеп палатасынын инспектору 800 миң сом пара талап кылууга шектелип кармалды. Бул тууралуу Улуттук коопсуздук мамлекеттик комитетинин басма сөз кызматы кабарлады.

Маалыматка ылайык, шектүү 2024-жылдын май айында Чаткал районунун Каныш-Кыя айыл өкмөтүнө карата жүргүзүлгөн пландуу каржылык жана чарбалык текшерүү маалында аныкталган мыйзам бузууларды жаап-жашыруу үчүн айыл өкмөтүнүн кызматкерлеринен 800 миң сом акча талап кылган.

Ошондой эле иликтөө маалында айыл өкмөтүнүн кызматкерлери социалдык объект куруу боюнча өткөн тендерде жеңүүчү компаниядан 10% "сый акы" алышканы белгилүү болгон.

Учурда бул факт боюнча кылмыш иши козголуп, Эсеп палатасынын кызматкери кармалды. Тергөө иштери улантылууда.