21-августта саат 10:00дөн 21:00гө чейин Бишкектин айрым аймактарында ичүүчү суу берүү убактылуу токтотулат. Бул тууралуу мэрия маалымдады.
Маалыматка ылайык, суу берүү төмөнкү аймактарда өчүрүлөт:
- Ахунбаев көчөсү;
- Тыналиев көчөсү;
- Курчатов көчөсү;
- Миңжылкиев көчөсү.
Суу өчүрүү күз-кыш мезгилине даярдык көрүү жана жөнгө салуучу арматураларды алмаштыруу иштерине байланыштуу жүргүзүлөт.
«Бишкексууканал» МИси жарандардан жана уюмдардан түшүнүү менен мамиле кылууну өтүнүп, ичүүчү сууну алдын ала камдап алууга чакырат.
