Кыргызстан менен Венгрия билим берүү жана илим жаатындагы кызматташтыкты бекемдөөдө.

Билим берүү жана илим министрлигинин басма сөз кызматынан билдиришкендей, билим берүү министри Алмазбек Бейшеналиев Венгриянын Улуттук жыйынынын вице-спикери Шандор Лежак менен жолугушту.

Тараптар билим берүү жаатында кызматташуу маселелерин талкуулашты. 

Атап айтканда, ЖОЖдордо студенттер үчүн квотаны көбөйтүү, академиялык мобилдүүлүк, Кыргызстандын жана Венгриянын ЖОЖдорунун ректорлорунун иш сапарларын уюштуруу, Кыргыз-Венгер изилдөө фондун түзүү жөнүндө макулдашышты. 

Министр Кыргызстан венгриялык студенттерди алмашуу программасынын алкагында мисалы, “түркология”, “археология” адистиктери боюнча студенттерди кабыл алууга, Кыргызстандын ЖОЖдорунун биринде кыргыз-венгер институтун же кафедра ачууга даяр экендигин белгиледи.