Көрүнүктүү мамлекеттик, саясий жана коомдук ишмер Эмилбек Абакиров акыркы сапарга узатылды. Маркум менен коштошуу зыйнатына белгилүү коомдук, саясий ишмерлер жана жакындары катышты. 

Эмилбек Абакиров 1929-жылы 18-мартта Нарын облусунун Кочкор районунун Ак-Кудук айылында туулган. Ал профсоюздук кыймылдын көрүнүктүү ишмери катары элдин эсинде калды. Төрт жолу Кыргыз ССР Жогорку Советинин депутаты болгон. Ал өзүнүн мол тажрыйбасы, терең билими, чечкиндүүлүгү, бийик моралдык-этикалык принциптери менен татыктуу кадыр-баркка жана урмат-сыйга ээ болгон. Үзүрлүү эмгегинин аркасында бир катар сыйлыктарга татыган. Эмилбек Абакиров 92 жаш курагында дүйнөдөн кайтты. Сөөгү “Ала-Арча” көрүстөнүнө коюлду.