Келерки жылы Кыргызстанда тамчылатып сугаруу жабдууларын чыгаруучу завод ачылат. Алдыга коюлган мерчемдер туурасында Айыл чарба министри Аскарбек Жаныбеков билдирди. 

Анын айтымында, учурда тамчылатып сугаруу ыкмасы менен 2 жарым миң гектар гана айдоо аянты камтылган. Сугаруунун мындай ыкмасына суроо-талап жылдан жылга көбөйүп жатат. Ошондуктан тамчылатып сугаруу жабдыктарын өндүрүү үчүн балким мамлекеттик-жеке өнөктөштүктүн алкагында инвесторлорду тартуу боюнча иштер жүрүп жатат", - деди министр. Ал ошондой эле "Айыл Банк" фермерлерге скважиналарды оңдоп-түзөө жана техника сатып алуу үчүн лизинг берип жатканын белгиледи.