Өзбек тараптын демилгеси менен Өзбекстандын көз карандысыздык күнүнө карата даярдыктарына байланыштуу бүгүнтөн тартып кыргыз-өзбек чек арасындагы өткөрмө көзөмөл-бөлүмдөрүнө убактылуу чектөөлөр киргизилди. 

Бул тууралуу Мамлекеттик чек ара кызматы билдирет. 

Ага ылайык, кирип чыгуу токтотулат. Бирок Кыргызстан жана Өзбекстандын үйүнө кайтып келаткан жарандары, кыргыз-өзбек чек арасынан эч тоскоолдуксуз өтө алышат. 

Ал эми башка өлкөлөрдүн жарандары, дипломатиялык корпустун кызматкерлери жана эл аралык уюмдардын өкүлдөрүнүн өтүшү атайын белгиленген тартипте жүргүзүлөт.