Токтогул ГЭСинин экинчи агрегаты ишке кирди. Бул тууралуу өнөр жай, энергетика жана кен боюнча мамлекеттик комитеттен билдиришти. 

Эске салсак, аталган ГЭСте 16-декабрда авария болуп, кабелдер иштен чыккан болчу. 

Ал эми жаңы жылдык майрам күндөрү Кыргызстандын энергосистемасы штаттык режимде иштеп, электр жарыгын өчүрүүлөр катталган жок. Майрам күндөрү энергетикалык тармак туруктуу режимде иштеп, электр жарыгына атайын чектөөлөр киргизилген жок.

Өткөн жылдын 15-декабрында Токтогул ГЭСиндеги 4 агрегаттын бирөө иштен чыккан. Агрегат бузулуп калса да, элге электр энергиясын берүү чектелген эмес.

Учурда бардык оңдоп-түзөө иштери бүтүп, 6-январга караган түнү бузулган агрегат оңдолуп, ишке берилди. Ошентип ГЭС толук кубаттуулукта иштөөдө.