Кыргызстандагы шоу-бизнес менен моделдик агенттиктин өкүлдөрү "Кыргызстан чүрөгү-2013" конкурсунун жеңүүчүсү Жибек Нукеевага жардам берүү үчүн кайрымдуулук концертин берет. 

"Кыргызстан чүрөгү-2013" сынагынын жеңүүчүсү жана "Аалам сулуусу - 2013" эл аралык конкурсунун катышуучусу учурда рак илдети менен ооруп жатат. 

Буга чейин ал "жаңы төрөлгөн ымыркайы менен дагы узагыраак калышына" элдин жардам сурап, социалдык тармакка маалымат калтырган. 

Уюштуруучулар балдардын жана өспүрүмдөрдүн "Сейтек" улуттук борборунда 21-январда "Жибек, сен жашашың керек!" деп аталган кайрымдуулук концертин өткөрүп, андан чогулган каражатты операцияга беришерин айтты.