Талас облусунда жаңы жылдык кечелерге байланыштуу коомдук коопсуздукту камсыздоо боюнча тартип сакчылары атайын рейд өткөрүштү. 

Рейдке бардык күч тузүмдөрү тартылып, кылмыш иликтөө бөлүмү, участкалык жана жашы жетелек балдар менен иштөө инспекторлорунун катышуусу менен болду. 

Иш-чаранын жүрүшүндө облустун аймагындагы баардык кафе-ресторандар, интернет клубдар күндүзү да түнү да текшерилди. 

Мыйзам боюнча жашы жетелек өспүрүмдөр түнкүсүн ата-энесинин кароосу жок калбашы керек жана эс алуучу жайларда, оор жумуштарда иштебеши керек. 

Бирок акыркы учурда кеңири жайылган интерет оюндары, окуучулардын сабактан качып барып же түнү менен да ойноп жаткан учурлары кездешүүдө.