2025-жылдын алты айында Эмгек, социалдык камсыздоо жана миграция министрлигине караштуу борбор аркылуу чет өлкөдө 14 010 кыргызстандык ишке орношту. Бул өткөн жылга караганда 30,5%га көп.

Ошондой эле борбор жарандарга жалпы 150,3 миң кеңеш берди. Бул көрсөткүч былтыркыга салыштырмалуу дээрлик эки эсе (194%га)  өстү.

Бүгүнкү күндө кыргызстандыктарды 29 өлкөдө жумушка орноштурган 192 жеке агенттик иш алып барат.

Мындан тышкары, Улуу Британиядагы Pro-Force жана HOPS аркылуу клубника, помидор, капуста жыйноо боюнча сезондук жумуштарга 664 жаран жөнөтүлдү. Жалпы 35 509 арыз түшүп, алардын ичинен 3 250 адам маектешүүгө чакырылды.

Бул маалымат чет өлкөдө иштөөгө кызыккан кыргызстандыктардын саны өсүп жатканын жана мамлекеттик колдоонун жакшы иштеп жатканын көрсөтөт.