Өзгөчө кырдаалдар министрлиги жакынкы бир саат аралыгында жана кечинде Бишкек шаары менен Чүй облусунун аймагында күн күркүрөп, катуу шамал жүрүшү ыктымалдыгын эскертти. Маалыматка караганда, түштүк-батыштан жүргөн шамалдын ылдамдыгы секундасына 15-17 метрге чейин жетиши мүмкүн.

ӨКМ мындай учурунда коопсуз жайларда болууну, кандайдыр бир чукул кырдаалга туш болосоңуз “112” кызматына токтоосуз билдирүүнү  эскертет. Чалуу акысыз жана күнү-түнү кабыл алынат.