Кечээ, 1-декабрда Жалал-Абад облусунун  аймагында  күчү 5,5 баллга  жеткен жер  титирөөдөн  Базар-Коргон жана Сузак райондорундагы  бир катар социалдык объекттер жабыркады. Өзгөчө кырдаалдар министрлигинин  басма сөз кызматынан билдиришкендей, Базар-Коргон районуна караштуу  Кызыл-Үңкүр айыл аймагында жайгашкан №4 “Наристе” балдар бакчасы  жана  айылдык   оорукананын бөлмөлөрүнөн майда жарака кеткен.

Бул эки имарат  тең  1950-жылдарга чейин курулгандыгы белгилүү болду.  Жердин силкинүусү  мындан сырткары Сузак районундагы  Кыз-Көл айыл аймагына караштуу Абдырахманов атындагы орто мектептин ичинен, Кара-Булак айылындагы 10 Катранкы айылындагы 8 үйдүн жана “Кара-Булак” орто мектебинин ичинен майда жаракаларды  пайда кылган. Кыйроолор жана жабыр тарткандар жок. Учурда тактоо иштери жүргүзүлүудө.