Коомдук телерадио берүү корпорациясынын жаңыланган Байкоочу кеңешинин биринчи жыйыны болду. Байкоочу кеңештин төрагасы Абды Сатаров кеңештин жаңы мүчөлөрү менен тааныштырды. Алар үчөө: КУУнун журналистика факультетинин доценти Абдыганы Халилов, маданиятка эмгек сиңирген ишмер, журналист Бүбүкан Досалиева жана КУУнун профессору Назаркул Ишекеев.

Отурумда социалдык-экономикалык жана инновациялык программалар берүүсүнүн өнүгүү стратегиясы талкууланды. Редакциянын продюсери Көкүл Арипова чогулгандарга учурдагы берүүлөр жана алдыдагы пландар тууралуу маалымат берди.