Кечээ, 5-августта Куралдуу Күчтөрүнүн аскер институтунда аскер кызматчылары үчүн кызматтык турак жайдын курулушуна капсула салуу аземи болуп өттү. Бул тууралуу Коргоо министрлиги билдирди.

Иш-чарага Кыргыз Республикасынын Коргоо министри генерал-майор Руслан Мукамбетов, Коргоо министрлигинин жетекчилиги жана Бишкек гарнизонунун өздүк курамы катышты.

Аталган турак жай заманбап стандарттарга ылайык курулуп, бардык керектүү шарттар менен камсыздалмакчы.

Курулуш иштери 2026-жылы аяктап, пайдаланууга берилет.